ត្បូងឃ្មុំ : រដ្ឋបាលខេត្តត្បូងឃ្មុំ នៅថ្ងៃទី៨ ឧសភា ២០២១ បានអនុញ្ញាតឱ្យបើកដំណើរការឡើងវិញ ក្នុងទីតាំងភូមិកោងកាងទី១ ភូមិកោងកាងទី២ និងភូមិកោងកាងទី៣ ឃុំកោងកាង ស្រុកពញាក្រែក ខេត្តត្បូងឃ្មុំ ប៉ុន្តែតែត្រូវអនុវត្តឲ្យបានហ្មត់ចត់ តាមអនុសាសន៍ដ៏ខ្ពង់ខ្ពស់របស់សម្ដេចអគ្គមហាសនាបតីតេជោនាយករដ្ឋមន្ត្រី “៣ការពារ និង ៣កុំ” និងវិធានការណែនាំរបស់ក្រសួងសុខាភិបាលដើម្បីទប់ស្កាត់ការឆ្លងរាលដាលជំងឺកូវីដ-១៩ នៃព្រឹត្តិការណ៍សហគមន៍ ២០កុម្ភៈ។
រដ្ឋបាលខេត្តត្បូងឃ្មុំបានសម្រេចនិរាករណ៍សេចក្តីសម្រេចលេខ ០៥២/២១ សសរ ចុះថ្ងៃទី១៤ ខែមេសា ឆ្នាំ២០២១ របស់រដ្ឋបាលខេត្តត្បូងឃ្មុំ ស្ដីពីការបិទការចេញ-ចូលជាបណ្ដោះអាសន្នក្នុងទីតាំងភូមិកោងកាងទី១ ឃុំកោងកាំង ស្រុកពញាក្រែក ខេត្តត្បូងឃ្មុំ និងសេចក្តីសម្រេចលេខ០៥៣/២១ សសរ ចុះថ្ងៃទី១៦ ខែមេសា ឆ្នាំ២០២១ របស់រដ្ឋបាលខេត្តត្បូងឃ្មុំ ស្ដីពីការបិទ ការចេញ-ចូលជាបណ្តោះអាសន្នក្នុងទីតាំងភូមិកោងកាងទី២ និងភូមិកោងកាងទី៣ ឃុំកោងកាង ស្រុកពញាក្រែក ខេត្តត្បូងឃ្មុំ៕
